Չե՞ք ցանկանում վերաբնակվել Մարսում: Հոլանդական Mars One կազմակերպությունը հայտարարում է, որ մոտ ապագայում կսկսի այդ նպատակով կամավորների հավաքագրել:
Կազմակերպությունը հույս ունի Կարմիր մոլորակում ստեղծել վերաբնակիչների գաղութ՝ հայտնում է BBC-ի ռուսական ծառայությունը:
Անհայտ մայրցամաքները, անդրօվկիանոսյան երկրները միշտ գրավել են մարդկանց, այնպես որ՝ զարմանալի չէ, որ կամավորներ են արձագանքել Mars One-ի հայտարարությանը:
Սակայն կազմակերպությունը հիշեցնում է, որ ճանապարհորդները Երկիր չեն վերադառնա: Կամավորների ընտրության չափորոշիչները բավական խիստ են. թեկնածուները պետք է լինեն հեշտ հարմարվող նոր պայմաններին, դիմացկուն, հմուտ ու մեկ թիմում աշխատել կարողացող:
Մարսի վերաբնակեցման ամբողջ ծրագիրը կցուցադրվի ռեալիթի-շոուի ձևաչափով՝ թեկնածուների ընտրությունից մինչև նախապատրաստում՝ թռիչք, վայրէջք Մարսի վրա և այլն:
Մինչև Մարս թռիչքը կտևի 7-8 ամիս: Այդ ժամանակ ուղևորները կկորցնեն իրենց ոսկրային ու մկանային հյուսվածքի զգալի մասը: Ապա նրանք կհայտնվեն Մարսում, որտեղ ձգողական դաշտը զգալի թույլ է, քան Երկրի վրա: Դա կազդի նրանց ֆիզիկական վիճակի վրա, ինչը նշանակում է, որ նրանք պարզապես ի վիճակի չեն լինի դարձյալ հարմարվել Երկրի ձգողականությանը:
Հաղթող թեկնածուները կանցնեն ֆիզիկական ու հոգեբանական նախապատրաստվածություն:
Նյութի աղբյուրը՝ http://bit.ly/XIvnij
TIEZERQ.com 
http://www.aples.am/am/%D5%BF%D5%A1%D6%80-%D5%A2%D5%A5%D6%80/56-%D5%A1%D5%B5%D5%AC/%D5%B0%D5%B8%D5%AC%D5%A1%D5%B6%D5%A4%D5%AB%D5%A1%D5%B5%D5%B8%D6%82%D5%B4-%D5%AF%D5%A1%D5%B4%D5%A1%D5%BE%D5%B8%D6%80%D5%B6%D5%A5%D6%80%D5%AB-%D5%A5%D5%B6-%D5%B0%D5%A1%D5%BE%D5%A1%D6%84%D5%A1%D5%A3%D6%80%D5%B8%D6%82%D5%B4-%D5%B4%D5%A1%D6%80%D5%BD%D5%B8%D6%82%D5%B4-%D5%BE%D5%A5%D6%80%D5%A1%D5%A2%D5%B6%D5%A1%D5%AF%D5%BE%D5%A5%D5%AC%D5%B8%D6%82-%D5%B0%D5%A1%D5%B4%D5%A1%D6%80?