Նախորդ շաբաթ հայտնի դարձավ, որ SpaceX ընկերությունը մտադիր է Լոս Անջելեսի նավահանգստում 73 հազար քառակուսի մետր տարածք վարձակալել: Ըստ ներկայացվածփաստաթղթերի, այդ տարածքն անհրաժեշտ է այդտեղ հավաքման արտադրամաս հիմնելու ու ցամաքային փոխադրման համար անհարմար «մեծ կոմերցիոն միջոցներով փոխադրումների» համար նախատեսված ինֆրակառուցվածքներ ստեղծելու համար: Փորձագետների մեծամասնությունը կարծում է, որ այդ խճճվածձևակերպման տակ թաքնված է BFR (Big Falcon Rocket) հրթիռը:
Այս պահին SpaceX-ի կոմերցիոն տեխնիկայի արտադրությունը կենտրոնացած է Կալիֆոռնիայի Հոութորն քաղաքում: Այնտեղ է գտնվում ընկերության շտաբ-բնակարանը և հրթիռային գործարանը: Սակայն BFR-ի համար անհրաժեշտ է օվկիանոսի հասանելիություն: Այս գերծանր հրթիռը ունենալու է 106 մ երկարություն, 9 մ տրամագիծ և լիցքավորված վիճակում ունենալու է 4400 տոննա զանգված: Դրա տեղափոխումը մինչև արձակման հարթակ հնարավոր կլինի միայն ջրային ճանապարհով:
Ըստ հրապարակված փաստաթղթերի, SpaceX ընկերությունը պատրաստվում է Լոս Անջելեսի նավահանգստի այդ տարածքը վարձակալել 10 տարով՝ հետագայում ևս 20 տարի երկարաձգելու հնարավորությամբ: Ընկերությունը պատրաստվում է այդ տարածքում 750 աշխատողի համար հաշվարկվածմոնտաժման արտադրամաս կառուցել, ու հատուկ տախտակամած, որը նախատեսված է «փոխադրող լաստանավի» համար: Հրթիռն վերջինիս վրա կբեռնվի անմիջապես արտադրամասից: Պաշտոնապես SpaceX-ի հայտը դեռ չի հաստատվել: Սակայն սպասվում է, որ շուտով Լոս Անջելեսի նավահանգստի տնօրենների խորհուրդը կանաչ լույս կվառի նախագծի առջև:
BFR-ը պետք է փոխարինման գա Falcon 9 և Falcon Heavy հրթիռներին: Այդ կդառնա SpaceX-ի միջմոլորակային փոխադրման համակարգի կարևորագույն բաղկացուցիչը: BFR-ը կարող է օգտագործվել ինչպես դեպի Մարս և Լուսին տիեզերագնացներով թռիչքների համար, այնպես էլ Երկրի վրա միջմայրցամաքային ուղևորատար թռիչքների համար: Իլոն Մասկի խոսքով, ընկերությունն արդեն սկսել է BFR-ի նախատիպի պատրաստման աշխատանքները: Վերջինիս առաջին սուբօրբիտալ փորձարկումները կարող են իրականացվել արդեն հաջորդ տարի:
Աղբյուրը՝ «Вселенная, пространство, время» էլեկտրոնային ամսագիր
TIEZERQ.com 