2011 թ. հոկտեմբեր ամսից մինչև 2015թ. հունիս ամիսը «Տիեզերք» ակումբը բավական ակտիվ և արդյունավետ գործունեություն է ծավալել «Մխիթար Սեբաստացի» կրթահամալիրում:
Կրթահամալիրում ակումբի գործունեության հիմքը դրվել է Ավետիք Գրիգորյանի և Լևոն Արամյանի նախաձեռնությամբ, որին իրենց մեծ աջակցությունն են դրսևորել կրթահամալիրի տնօրեն Աշոտ Բլեյանն ու Հասմիկ Նալբանդյանը:
Այստեղ մեր գործունեության հիմնական շեշտը դրվել է ուսուցողական պարապմունքների անցկացման վրա: Այն իրականացվել է Ավետիք Գրիգորյանի «Դարերի խորքից դեպի տիեզերք» գրքում զետեղված նյութի հիման վրա՝ հեղինակի կողմից պատրաստված հետաքրքրաշարժ պրեզենտացիաներով:
«Մխիթար Սեբաստացի» կրթահամալիրում ակումբի գործառույթներն են եղել.
- Ամենշաբաթյա ուսուցողական պարապմունքները,
- Կինոլեկտորիումները,
- Թռչող սարքերի նախագծումն ու պատրաստումը,
- Աստղացուցարանի միջոցով տարատեսակ ներկայացում-դասընթացների անցկացումը,
- Ակումբի աստղադիտակով (20 սմ տրամագիծ ունեցող հայելիով) երկնքի զանազան հետաքրքրաշարժ օբյեկտների դիտումները,
- Ակումբի սաների մասնակցությունը Թուրքիայի Իզմիր քաղաքի տիեզերագնացության միջազգային Ճամբարին,
- ՈՒսումնական հանգիստ Բյուրականի աստղադիտարանում,
- Հայաստանյան տիեզերագիտական ամառային դպրոցի կազմակերպումը:
Ակումբն իր գործունեության ընթացքում անգնահատելի աջակցություն է ստացել «Գագիկ Ծառուկյան» հիմնադրամից՝ «հեռանկար» կրթական ծրագրի շրջանակներում։
Ակումբը ղեկավարել է երիտասարդ աստղագետ, ՀՀ ԳԱԱ Բյուրականի աստղադիտարանի կրտսեր գիտաշխատող` Լևոն Արամյանը:
TIEZERQ.com 