Աստղացուցարան

2012 թ. «Տիեզերք» ակումբը «Մխիթար Սեբաստացի» կրթահամալիրում հիմնադրել է մոբիլ աստղացուցարան, որի միջոցով իրականացվել է աստղագիտության լրացուցիչ կրթություն՝ օգնելով սովորողներին ձեռք բերել աստղագիտական գիտելիքներ և սեր առաջացնելով դեպի աստղագիտությունը:

Աստղացուցարանը ձեռք է բերվել «Գագիկ Ծառուկյան» հիմնադրամի «հեռանկար» կրթական ծրագրի շնորհիվ, ի պատասխան բազմաթիվ ուսուցիչների, սովորողների, ծնողների և գիտնականների բաց նամակին` ուղղված դեպի Գագիկ Ծառուկյանը։
Այստեղ ցուցադրվել են ֆիլմեր, որոնք ստեղծված են 360˚ ձևաչափով` հատուկ գնդաձև կինոսրահի համար: Այն հիանալի տարածական զգացողություններ է պատճառում, քանի որ ֆիլմը ցուցադրվում է կիսագնդի ողջ մակերսով` ստեղծելով տպավորություն, թե դիտողը հենց այդ պահին տիեզերքում է: Իրադարձությունների կենտրոնում գտնվելու զգացողությունն այստեղ ավելի բնական է, քան մնացած այլ տարածական ցուցադրությունների ժամանակ: Աստղացուցարանը հնարավորություն է ընձեռում նաև արհեստականորեն ստեղծել վիրտուալ երկինք և օգտվողներին ծանոթացնել երկնակամարի պայծառ աստղերի և հայտնի համաստեղությունների հետ:

«Տիեզերք» ակումբի աստղացուցարանը կարողանում էր միաժամանակ ընդունել 10-20 հոգանոց խմբեր: Ցուցադրությունների տևողությունը եղել է 20-45 րոպե է:
2012-2015 թթ. աստղացուցարան այցելել են Երևանի, Արցախի, Շիրակի, Լոռու, Արագածոտնի, Արմավիրի, Վայոց ձորի մարզերից: Ըստ հաշվարկների 2012-2015 թթ. աստղացուցարանն ընդունել է մոտ 10000 այցելու, ովքեր հնարավորություն են ունեցել դիտելու հետևյալ ֆիլմերը.